ஆயிஷா மைந்தன்

செம்மொழி மாநாட்டுப் பாடலை அரசுப் பாடலாக அறிவிக்க வேண்டும்:இந்திய யூனியன் முஸ்லிம் லீக்

ஈரோடு, ஜூலை 9: செம்மொழி மாநாட்டு மைய நோக்குப் பாடலை அரசுப் பாடலாக அறிவிக்க வேண்டுமென இந்திய யூனியன் முஸ்லிம் லீக் கோரிக்கை விடுத்துள்ளது.
ஈரோடு புறநகர் மாவட்ட நிர்வாகிகள் ஆலோசனைக் கூட்டம் தேர்தல் பொறுப்பாளர் என்எச்.முகமது இக்பால் தலைமையில் சத்தியமங்கலத்தில் வெள்ளிக்கிழமை நடைபெற்றது.
நிறைவேற்றப்பட்ட தீர்மானங்கள்:
செம்மொழி மாநாட்டு மைய நோக்குப் பாடலை அரசு பாடலாக அறிவித்து, கல்வி நிலையங்களில் இந்த பாடலை தொடந்து பாட நடவடிக்கையெடுக்க வேண்டும்.
தமிழ் அரபி ஒப்பாய்வு மையத்தை தமிழகத்தில் அமைக்க அரசு நடவடிக்கையெடுக்க வேண்டும்.
மாவட்டச் செயலர் ஜெஎம்.ஹசன்பாபு, அமைப்புச் செயலர் எம்ஏ.உமர்பரூக், ஈரோடு நகர துணைத் தலைவர் டி.சபியுல்லா, சத்தி நகர தலைவர் மஹமத்கான் மற்றும் நிர்வாகிகள் பங்கேற்றனர். Read more »